影片
更多
2025-04-21
2002 瀏覽
於北角海逸君綽酒店官網購買了Harbour Grand Café嘅買一送一【鴨肝二重奏海鮮自助晚餐】, 今日留定肚同丫妹擦餐勁!!餐廳環境舒適寬敞樓底高, 很有空間感, 食物自助區同用餐區集中分明, 而食物款式種類多, 包括有即開生蠔、冷盤海鮮、沙律、刺身、壽司、點心、牛扒、片皮鴨、多款熟食、湯麵、燒味、甜品等等…每位入座都有一盅是日燉湯, 當晚係牛肝菌湯, 湯底清甜滋潤。刺身設有專人即切配給, 毫不吝嗇, 刺身新鮮, 原粒帆立貝肥美鮮甜, 赤蝦爽口肥美, 三文魚很有魚香。即開生蠔雖然賣相一般, 亦算不上肥美, 但食落又幾鮮甜, 海水味出亦不會過鹹。冷盤海鮮方面, 嫌開邊龍蝦有d乾, 反而長腳蟹幾有驚喜, 鮮味十足, 唔似浸鹹水嘅死鹹。鴨肝多士不停煎不停出, 脂香味十足。鐵板燒同樣熱辣辣即整即出, 正!!湯麵配料種類多, 但自問要留quota食其他就冇食。無論冷盤同熱算選擇都幾多, 而且補給都幾快, 唔擔心要搶食。而每晚定時更有大廚即場展示烹調表演, 吸引食客們上前打卡, 表演後更會即席分享, 不能錯過。每晚7:15就有「火山排骨表演」, 高高嘅排骨樹, 淋上火焰, 很有特色, 再即場
餐廳環境舒適寬敞樓底高, 很有空間感, 食物自助區同用餐區集中分明, 而食物款式種類多, 包括有即開生蠔、冷盤海鮮、沙律、刺身、壽司、點心、牛扒、片皮鴨、多款熟食、湯麵、燒味、甜品等等…
每位入座都有一盅是日燉湯, 當晚係牛肝菌湯, 湯底清甜滋潤。
刺身設有專人即切配給, 毫不吝嗇, 刺身新鮮, 原粒帆立貝肥美鮮甜, 赤蝦爽口肥美, 三文魚很有魚香。
即開生蠔雖然賣相一般, 亦算不上肥美, 但食落又幾鮮甜, 海水味出亦不會過鹹。
冷盤海鮮方面, 嫌開邊龍蝦有d乾, 反而長腳蟹幾有驚喜, 鮮味十足, 唔似浸鹹水嘅死鹹。
鴨肝多士不停煎不停出, 脂香味十足。
鐵板燒同樣熱辣辣即整即出, 正!!
湯麵配料種類多, 但自問要留quota食其他就冇食。
無論冷盤同熱算選擇都幾多, 而且補給都幾快, 唔擔心要搶食。
而每晚定時更有大廚即場展示烹調表演, 吸引食客們上前打卡, 表演後更會即席分享, 不能錯過。
每晚7:15就有「火山排骨表演」, 高高嘅排骨樹, 淋上火焰, 很有特色, 再即場分派享用, 排骨好林, 淡淡肉香。
8點就會有「火焰焦糖燉蛋表演」, 焦糖燉蛋表面包住了大量cream, 淋上火焰, 吸引打卡。焦糖燉蛋甜甜地, 有少少香醇酒味。
飲品方面就有果汁、即斟汽水、coffee、tea。
甜品款式同樣多, 多款精緻糕點、豆腐花、Movenpick雪糕、水果等等…..
服務唔錯, 待客有禮, 收碟速度快, 買一送一, 值得一試。
張貼
