Arte by Padaria

營業中

休息中

呢間Arte by Padaria必食甜品真係多到數唔曬！佢哋嘅全新慕絲撻系列，款款都七彩顏色，好睇又好食，有唔同嘅生果同堅果。🌰🧁焦糖合桃慕斯撻真係超級驚喜！我覺得有酒店咁嘅質素，佢係有好多層，最上面係焦糖mouse，中間有合桃焦糖嘅內餡，又香又甜，然後最底就係牛油撻皮。佢嘅焦糖味好出，但又唔會遮蓋咗合桃嘅味道，兩個加埋相得益彰。慕絲咬落口感超滑，加埋合桃嘅香脆，甜而不膩。🍫榛子朱古力迷你蛋糕我仲見到佢呢個朱古力蛋糕好吸引，佢出面有朱古力嘅皮包住，佢個朱古力皮仲要有啲黑白色嘅朱古力紋，好有心思。入口濃郁，榛子香氣同朱古力完美融合，口感綿密。