Kcal

營業中

休息中

去到深井揾食，見到門口幾靚，餐牌都好吸引，於是入去食，叫咗燒豬髀餐和西冷扒餐，首先忌廉湯有少許咸，雜菜湯無乜味，三文魚沙律的三文魚不新鮮，有腥味，煙鴨胸沙律的鴨胸尚可，燒豬脾的皮脆但不鬆，有點韌，西冷就好鬼韌，o趙到口都軟，（我屋企樓下間茶餐廳仲好食過佢），到甜品，我們要芝士蛋糕和綠茶凍，芝士蛋糕好冰凍，似莎莉的急凍芝士蛋糕，綠茶凍則無乜味又唔凍，都唔知點解叫綠茶凍，凍咖啡又係茶餐廳好飲過佢好多，真係好唔掂，埋單要五百幾蚊，但食ｄ咁嘅嘢，真係去酒店食無咁嬲。服務又無冷氣又唔夠，我切完ｄ韌嘢都流晒汗。