忠誠盆菜館

營業中

休息中

今日全家去左大尾篤行山，行到咁上下差唔多到1點準備食晏，細佬次前食過一次忠誠盆菜係附近，話好好味，咁岩我地今日齊人就一於行多幾步去食盆菜。佢環境都唔錯，仲有一個水池養龜。由於唔係旺季食盆菜加上係假日，所以無咩人食，好多張枱都吉左。我地總共5個人就叫左個5人盆。一盤都要550，講真唔算平，不過一場黎到都試下。佢上黎既時候都係同圖片幾似，蝦同班腩要食先因為岩岩炸起，蝦都算大隻，不過明白始終係冰鮮蝦所以有少少梅。腩肉雖然肥不過層層分明，個汁煮耐左更入味。個人最鐘意係冬菇同芋頭，南乳汁入味d好好食。不過位置真係幾偏僻，如果無車要入黎食都確實唔太方便。