華嫂冰室 (皇廷廣場)

營業中

休息中

上星期去觀塘見客，之後同同事去吃有點名氣的華嫂冰室。一去到就見到一條好長嘅人龍，我們排了十多分鐘的隊，才能入內食飯。我們以為3時多應該沒有那麼多的人很多人，但其實也是人山人海。很多人在吃米線，所以我們也叫了一個撈米線。因為我是第一次吃華嫂所以我叫了兩個麵包一個是招牌菠蘿包，一個是芝士鹹牛肉豬仔包。總括來講我覺得食物不錯，但沒有想像得那麼好吃，因為很多人說很好吃，所以有一點失望。 也許總店會比較好吃。不過價錢唔貴，所以值得一食嘅。招牌菠蘿包HKD19-菠蘿包都其實唔錯，裏面夾咗塊好滑嘅牛油，加埋隻煎蛋夾住，同塊番茄來食，其實個味道都唔錯，不過如果有塊肉呢就會更加好食啦。招牌芝士鹹牛肉蛋豬仔包HKD21-呢個包比菠蘿包好食。鹹牛肉同雞蛋個味道已經好夾，再加上溶咗嘅芝士，味道就更加濃郁同可口。個豬仔包焗到出面脆，裡面軟。真係好食。熱奶茶HKD14- 熱奶茶都不錯，茶味都幾濃。秘製撈米線（觀塘限定）HKD42-個撈線的汁，少少辣，又幾香。豬扒不錯，米線不會太軟，撈埋紅腸，餐肉同青瓜，味道可口。都幾醒胃。