達人包車 (已結業)

友人生日想食韓國菜，經過見到間餐廳都幾靚就決定行入去試吓，點知有啲失望✨ H4 烤牛肉紫菜包飯 ($85)如圖，啲飯好鬆散，同埋見到個包飯根本就包得唔實🤣 整體口感仲要比較乾的✨ F5 魚糕湯 ($150)好足料，超級多塊魚糕！入邊仲有好多蔬菜、蘿蔔、肉丸等。味道正常中規中矩，始終係清湯又好難唔好飲嘅😂✨ F4 辣海鮮湯 ($200)湯底比較辣，所以食唔出啲海鮮有冇雪藏味。但係種辣味比較單一，你食得出係就咁落咗辣椒醬嗰種死辣。入面嘅海鮮偏細隻。好冇特別。整體而言成餐飯好普通，但係價錢一啲都唔算平。覺得呢個價錢可以有好多好過佢嘅選擇。