影片
更多
2015-03-10
3359 瀏覽
中午時間係荃灣坐51號巴士上黎川龍站, 附近有2間茶樓, 揀左彩龍茶樓試試.全程都係自助式, 建議多人黎會好d, 一黎可以坐哂一張枱, 二黎各自分工, 看住個位, 拎野食, 拎食具....去到等左15分鐘到見有人走, 就去搵位坐底. 今次我地3個人, 1人看位, 我就去拎食具茶具, 沖茶洗杯. 1人就去排隊拎點心, 當然仲有2邊隊要排.分別就係白灼西洋菜, 腸粉. 所以多d人黎可以分工同埋試多d野食.- 鵪鶉蛋燒賣 : 一見有就拎, 因為少見, 而且有粒鵪鶉蛋, 連同燒賣既豬肉特別好味.- 雞扎 : 比一般既大隻d, 而且內裡既魚肚係真既, 唔同平時爛爛地淋哂, 魚肚有彈性, 雞肉都嫩口分量大.- 鳳爪 : 分量適中, 味道不錯.- 排骨 : 分量適中, 味道不錯.- 蝦腸 : 好厚身既腸粉, 都幾滑. 蝦分量適中. - 鯪魚肉煎餃 : 鯪魚肉彈牙好味, 個餃煎得好香脆, 估唔到甘好味.- 白灼西洋菜 (冇影相) : 都幾新鮮, 唔會好淋身, 好有咬口. 附上的腐乳少少辣, 幾惹味.- 牛肉球 : 比一般大粒d, 有咬口d , 味道幾好.- 馬拉糕 : 超鬆軟有彈性既中式蛋糕, 又有香
全程都係自助式, 建議多人黎會好d, 一黎可以坐哂一張枱, 二黎各自分工, 看住個位, 拎野食, 拎食具....
去到等左15分鐘到見有人走, 就去搵位坐底.
今次我地3個人, 1人看位, 我就去拎食具茶具, 沖茶洗杯. 1人就去排隊拎點心, 當然仲有2邊隊要排.
分別就係白灼西洋菜, 腸粉. 所以多d人黎可以分工同埋試多d野食.
- 鵪鶉蛋燒賣 : 一見有就拎, 因為少見, 而且有粒鵪鶉蛋, 連同燒賣既豬肉特別好味.
- 雞扎 : 比一般既大隻d, 而且內裡既魚肚係真既, 唔同平時爛爛地淋哂, 魚肚有彈性, 雞肉都嫩口分量大.
- 鳳爪 : 分量適中, 味道不錯.
- 排骨 : 分量適中, 味道不錯.
- 蝦腸 : 好厚身既腸粉, 都幾滑. 蝦分量適中.
- 鯪魚肉煎餃 : 鯪魚肉彈牙好味, 個餃煎得好香脆, 估唔到甘好味.
- 白灼西洋菜 (冇影相) : 都幾新鮮, 唔會好淋身, 好有咬口. 附上的腐乳少少辣, 幾惹味.
- 牛肉球 : 比一般大粒d, 有咬口d , 味道幾好.
- 馬拉糕 : 超鬆軟有彈性既中式蛋糕, 又有香甜, 小朋友一定中意.
- 咖哩魷魚 : 咖哩味幾濃郁, 好中式既口味, 魷魚彈牙.
- 山水豆腐花 : 好滑好清, 而且大大碗又夠熱. 好好味. 但豆味唔係好濃.
總括, 味道好, 而且點心款式估唔到都幾多, 但係人太多等點心耐, 所以食物多數都唔夠熱, 已經凍哂.
同埋人太多, 阿姐做唔切, 好多杯都未洗第1轉, 要等阿姐事旦沖一沖. 唔介意呢個風味就接受到.
張貼
