霸嗎拉麵 (已搬遷) 新店位置

平時係尖沙咀成日見到呢間大排長龍，都唔想同人爭。今晚係銅鑼灣分店，可能係9點關係，竟然無人排，二話不說就入去了！座位幾乎全滿，今次終於可以試下廬山真面目！特盛炙燒豚肉拉麵因為$88既得兩片，而男朋友都想試下，所以叫特盛！有4片豚肉，每一片都好大片，燒得好香！第一時間放入口，一咬，入口即融，睇真啲，原來豚肉係半肥瘦，一層肉一層肥膏，難怪口感如此滑順，毫無柴口！至於湯底，有一種特別既味道，唔識形容，感覺似食米線一樣會上癮！雞叉燒辛辣雞白湯拉麵雞肉得2舊，但亦都好大舊，男朋友分一舊俾我，雞肉感覺似幾舊肉組合成一大塊，所以夾黎食要小心掉，而味道都唔錯，可能有腌製過，好入味。湯叫左小辣，但對唔食得好辣既我黎講已經好辣，要飲水解辣，幸好呢度既侍應會主動加水，服務幾好！返到屋企都無想飲水，證明無落味精！溫馨提示：因湯既顏色係橙紅色，著白衫去食麵時要小心俾湯彈到件衫！已中招！