華嫂冰室 (皇廷廣場)

營業中

休息中

疫情底下返工都好少再出去食，有時去買下外賣就算。平日華嫂lunch超級多人，呢日早去買就五分鐘攞得。叫咗個秘制撈米線，不算辣，帶少少惹味，醬汁夠濃同埋會幫你撈好哂。重點是配以紅腸、午餐肉、豬扒，咁唔健康好難唔好食㗎喎。如果可以多返少少健康啲嘅配搭會更好，好彩叫有啲青瓜平衡少少。同埋全部野已經貼心地切絲，一隻叉搞掂懶人必點。米線略為過淋，可能外賣唔係即食嘅關係，如果店家可以因應外賣更稍作調整會更好。