吉列牛忌廉烏冬專門店 (百樂中心) (已結業)

見到呢間餐廳專門食吉列牛同埋忌廉烏冬覺得好似幾pro咁，就黎一戰🤤黎到，發現間餐廳都真係幾full下！黎到叫左個二人set試下，見有吉列牛同埋忌廉烏冬，齊曬我想食既野😂吉列牛定食🍱：吉列牛令我都幾驚喜，一上枱個賣相幾靚！外層酥脆，入面係大約2－3成熟既牛！幾欣賞佢枱枱都準備定熱石燒，俾你自己燒返件牛，可以控制想要幾成熟💓入口外脆內軟，仲有2款醬汁俾你點🥰呢個set仲有配埋飯同埋麻醬豆腐🤤咖哩忌廉烏冬：一睇個名既時候，覺得成件事勁漏，但到食既時候，覺得咖哩味好香濃之餘，d忌廉好綿，又唔漏🥸同埋烏冬係粗條，食落幾彈牙，不過趁熱食最正！雞軟骨餃子🥟：外皮好薄脆，入面既肉連埋軟骨，好有口感！Passion Punch：passion fruit令到成件事幾酸香酸香💓Rose Garden：order佢既時候有諗過佢會唔會根藥水，但飲落好fresh同埋清清地，唔鍾意太甜既人可以選擇佢！