那些年

營業中

休息中

Bff話第一次食嘅香腸便當唔太吸引。再戰便當，雞全部都係雞，分別係鹽酥雞扒同鹽酥雞。份量奇多，炸雞扒大過我手掌。雞扒外層內嫩，食落唔會成口油。個人鐘意雞扒多啲，因為有雞皮，更邪惡，同埋雞扒嫩啲。Bff話相比起開業第一次嚟食，有進步，滷肉分量多。除咗足料，滷肉肥瘦均勻，令我愛上佢嘅滷肉飯。滷蛋唔入味，不過呢個只係小瑕疵。性價比上有驚喜，放工之選。上次Bff試奶蓋一試難忘，可惜今次奶蓋冇半價。今次就中伏。焙茶拿鐵稀過水，完全冇奶味，唔好講夠唔夠牛奶，落得夠唔夠奶精都係問題。同時亦欠缺茶味。Bff杯黑糖珍奶都中伏。台式飲品可以難飲到咁，可能太難飲，影相都影得衰啲。影嘅目的係佢個句好正「那些年錯過的那一杯茶」。飲品可被錯過，或者叫返正常嘅蜂蜜綠茶就算。