養氣津

營業中

休息中

📍 養氣津(葵芳） 估唔到葵芳有一間小店，平平無奇 一啲都唔起眼，冇特別牌顯示有嘢飲或者冰粉岀售，真係唔知都會直行直過！不過原來依一間係買健康，有排宿便💩、養顏、去肝火，啱晒我依啲捱更抵夜既女士🩵🩵店內主打真材實料，每日自己新鮮煲起，並無添加人造色素！入面仲會有唔同味道嘅冰粉，最近新出咗火龍果、柚子味，今日我就試咗佢個火龍果冰粉，大杯裝仲可以揀四款配料，我就揀咗黑糯米、青提、水蜜桃肉、馬蹄爆丸，店員會裝到滿瀉俾你，每一粒冰粉都充滿紅肉火龍果味，啱晒排便用，原來再加埋佢哋B1排便茶，一邊飲一邊食，真係幫我去到唔少宿便💩加上平時真係有便秘依個問題，大家不妨可以試吓！另外店內仲有養顏茶 、去肝火茶，味道都係純天然，仲可以要常溫，唔一定要凍飲，咁啱店員就剛剛煲起去肝火茶，我就温温地飲，感覺已經好滋潤！店內用既係拉伯糖是天然稀有糖，係砂糖既一半甜度，絕不會有白砂糖，可以放心食用，令人更健康，而且成杯嘢真係唔甜！