影片
更多
2021-11-25
123 瀏覽
點樣食推介✨💛日式 cafe💛💛西營盤黃店💛🤸🏻日常 @__.nichijou地址：西環西營盤第二街128號海昇大廈第二座地下H號舖🍖雜錦串燒配鰹魚醬油湯蕎麥麵定食 $128 (7.2/10)話說西營盤真係勁多黃店cafe，不過就全部都差唔多一定要預約咁濟(所以幾個月先會黎依度食一次)，今次終於的起心肝bk依間新開個cafe，店內大概得10個座位，想坐榻榻米影靚相嘅朋友可能要早d黎🤣，普通位置影相係真係好普通🤣成個定食一眼望過去好豐富，但稍微嫌冷盤太過簡單(⊙ω⊙)，都係胡麻醬沙律同胡麻醬豆腐，咁就都係個d味，如果將其中一個前菜轉做水果應該會開心d～🤣串燒方面就用心好多，有照燒雞大蔥串、雞肉軟骨串同埋五花肉串，雞肉串有少少柴但都可以接受，雞肉軟骨串就最好食，索埋d照燒汁食唔錯，唔知係我唔好彩定點，我嗰串五花肉串全部都係肥肉ಠ_ಠ，冇咩肉食，好彩個主食唔錯🤣🤣，個鰹魚湯係偏甜，好啱我口味，加埋清爽嘅蕎麥麵一齊食係不錯的👍🏻，可惜配料們都麻麻(⊙ω⊙)🍖唐揚炸雞配溫泉蛋明太子拌烏冬 $138 (7.3/10)應該每個定食前菜都係一樣～都係胡麻醬d fd～佢個唐揚炸雞勁似日本嘅炸雞，係個皮係
💛日式 cafe💛
💛西營盤黃店💛
🤸🏻
日常
@__.nichijou
地址：西環西營盤第二街128號海昇大廈第二座地下H號舖
🍖雜錦串燒配鰹魚醬油湯蕎麥麵定食 $128 (7.2/10)
話說西營盤真係勁多黃店cafe，不過就全部都差唔多一定要預約咁濟(所以幾個月先會黎依度食一次)，今次終於的起心肝bk依間新開個cafe，店內大概得10個座位，想坐榻榻米影靚相嘅朋友可能要早d黎🤣，普通位置影相係真係好普通🤣
成個定食一眼望過去好豐富，但稍微嫌冷盤太過簡單(⊙ω⊙)，都係胡麻醬沙律同胡麻醬豆腐，咁就都係個d味，如果將其中一個前菜轉做水果應該會開心d～🤣串燒方面就用心好多，有照燒雞大蔥串、雞肉軟骨串同埋五花肉串，雞肉串有少少柴但都可以接受，雞肉軟骨串就最好食，索埋d照燒汁食唔錯，唔知係我唔好彩定點，我嗰串五花肉串全部都係肥肉ಠ_ಠ，冇咩肉食，好彩個主食唔錯🤣🤣，個鰹魚湯係偏甜，好啱我口味，加埋清爽嘅蕎麥麵一齊食係不錯的👍🏻，可惜配料們都麻麻(⊙ω⊙)
🍖唐揚炸雞配溫泉蛋明太子拌烏冬 $138 (7.3/10)
應該每個定食前菜都係一樣～都係胡麻醬d fd～佢個唐揚炸雞勁似日本嘅炸雞，係個皮係偏腍但係入味嗰款，唔知大家明唔明我講d咩🤣，我諗緊店家真係咁犀利自己整到，定純粹買日本d業務用唐揚雞半成品自己炸㗎呢(⊙ω⊙)，如果係前者都佩服，層皮幾出色～🤣個烏冬都幾好食，明太子d鹹香味真係好正，撈埋烏冬食一流，溫泉蛋仲令到成個烏冬都勁滑，好味道🙉
🍖熱情果梳打 $48 (7/10)
本身嗌野飲係想個畫面豐富d，但張枱實在太逼，對構圖起唔到幫助😂，然後我發現我連一張近shot都冇比到佢，味道方面都係大家估到嘅味，不過真係偏甜
回頭指數: 🍧🍧🍧 (滿分:🍧🍧🍧🍧🍧)
好坐指數: 🧎🏻♀🧎🏻♀️🧎🏻♀️ (滿分:🧎🏻♀️🧎🏻♀️🧎🏻♀️🧎🏻♀️🧎🏻♀️）
小店比我想像中更加細，食物同飲品質素方面都不過不失，但冇掛鉤同埋籃放袋依下有dd扣分🙈，整體係一間食正餐，唔係for你hea嘅cafe，同埋大家想試真係一定一定要預約！！
張貼
