真‧章魚無雙 (已改名) 查看

食一次不足以評論，所以試左幾次不同口味既。2點去唔洗點等，好快5分鐘內即有6-7點去，人多要排隊，不過都可以15分鐘內有。比貨時間都ok快原味唔多講試左兩次雙拼不同口味（雙拼加2蚊）外賣要袋加1蚊 （其實有d貴，自備袋又驚漏汁，真係焗住要比，一係自備盒減1蚊平衡下）餡料：入面有原粒章魚開邊，姐係半粒章魚，比起普通章魚燒得一粒腳仔，真係差好遠，好食好多！明太子味：⭐⭐咸咸微微辣（食唔到辣既人先食得出辣味）蟹子味：⭐⭐⭐兩色蟹子上幾有心思，有蟹子多左d口感咬口，拎到返住所食，d蟹子竟然都冇散哂，有多醬痴住，唔錯。黑松露味：⭐⭐拎住袋外賣，一路行去買其他野食，都聞到黑松露味，比d醬都好多，如果黑色蟹子比多少少更好。蟹膏味：⭐⭐本身對蟹膏一般般，佢食落甜甜地，蟹膏醬都比得好多，對於我唔太好既人黎講，都覺得ok好食。但有一樣野要改善下不論早去定晚去，鋪頭都好似冇乜碎銀找錢比人。幾次都問我有冇散子，應該準備多d碎銀係鋪會好d，始終章魚d價錢都唔係0頭，袋又加1蚊，一定會找錢多~後面排大隊，都唔好意思搵碎銀埋單。