影片
更多
2019-03-13
2229 瀏覽
每年公司都請食飯，今年亦不例外，但餐廳不定期會轉菜式，每人一客的菜式也轉換了，今次是迷你盤菜。凍海鮮類有好多選擇，龍蝦、長腳蟹、蝦、螺、青口、蜆....龍蝦夠大隻啖啖肉，好彈牙爽口，而且唔乾有肉汁，不過冇咩鮮味。反而長腳蟹好多汁，有海水咸味，蟹肉一絲絲好吸引。蝦亦好爽彈。沙律種類更多，連羽衣甘藍都有，醬汁較特別有紅菜頭沙律醬，全部都特制，味道亦好夾，加上沙律菜好新鮮乾淨。芝士有3-4款，軟滑有香草的忌廉芝士配脆薄咸餅干就最正，停唔到口。火腿也有數款，其中巴馬火腿夠咸香，油脂豐腴又唔會好乾，配多汁清甜哈蜜瓜，完美組合。仲有肥美煙三文魚，值回票價啦。每人一客的迷你盤菜，有鮑魚、大花菇、發菜、蘿蔔、鴨腳及西蘭菜。鮑魚微彈味道濃，大花菇超大隻好厚肉，亦吸到芡汁既味，蘿蔔又甜又多汁，仲無渣。整個味道都靠芡汁既味，不過好食既。刺身有5-6款，油甘魚同三文魚都好肥美油香，還有吞拿魚、立魚....壽司亦超多款。旁邊的即煮海鮮粉麵，既可食熱辣辣粉麵，亦同時嘆盡激多款海鮮。煎鵝肝都做得唔錯，外脆內軟滑，油潤甘香。燒牛肉及羊肉都有捧場客，但牛肉較多人食，因為旁邊熱葷有烤羊架，羊架肉質嫩而多汁，外表烤得香，冇
每年公司都請食飯，今年亦不例外，但餐廳不定期會轉菜式，每人一客的菜式也轉換了，今次是迷你盤菜。
凍海鮮類有好多選擇，龍蝦、長腳蟹、蝦、螺、青口、蜆....
龍蝦夠大隻啖啖肉，好彈牙爽口，而且唔乾有肉汁，不過冇咩鮮味。反而長腳蟹好多汁，有海水咸味，蟹肉一絲絲好吸引。蝦亦好爽彈。
沙律種類更多，連羽衣甘藍都有，醬汁較特別有紅菜頭沙律醬，全部都特制，味道亦好夾，加上沙律菜好新鮮乾淨。
芝士有3-4款，軟滑有香草的忌廉芝士配脆薄咸餅干就最正，停唔到口。
火腿也有數款，其中巴馬火腿夠咸香，油脂豐腴又唔會好乾，配多汁清甜哈蜜瓜，完美組合。仲有肥美煙三文魚，值回票價啦。
每人一客的迷你盤菜，有鮑魚、大花菇、發菜、蘿蔔、鴨腳及西蘭菜。
鮑魚微彈味道濃，大花菇超大隻好厚肉，亦吸到芡汁既味，蘿蔔又甜又多汁，仲無渣。整個味道都靠芡汁既味，不過好食既。
刺身有5-6款，油甘魚同三文魚都好肥美油香，還有吞拿魚、立魚....壽司亦超多款。
旁邊的即煮海鮮粉麵，既可食熱辣辣粉麵，亦同時嘆盡激多款海鮮。
煎鵝肝都做得唔錯，外脆內軟滑，油潤甘香。
燒牛肉及羊肉都有捧場客，但牛肉較多人食，因為旁邊熱葷有烤羊架，羊架肉質嫩而多汁，外表烤得香，冇咩筋位亦唔羶。
咖哩雞嫩滑，個咖哩好香微辣冇香料味，得仲忍唔到住配少少飯食，也拎烤餅沾咖哩，非常美味。
仲有燒味、臘味糯米飯等中式野，岩哂喜歡中菜既朋友。串燒亦即燒好香好正，但refill等較慢。
進入我的主題，就是甜品。餐廳係超級多選擇的，提供多款甜品、生果、雪糕等，真係食唔哂。
朱古力蛋糕好濃郁好重朱古力味，細細件就開始膩，邪惡但忍唔住要再食，榛子朱古力蛋糕同樣美味，但就輕盈少少。芒果抹茶布甸味道剛好，芒果夠甜，抹茶布甸滑溜，又中和甜度做等好。意大利芝士蛋糕好平均，有齊微微咖啡、朱古力、cream cheese味。
食到甜品時，更會推出一大個拿破崙蛋糕爲生日客人慶祝，最後分給所有客人。拿破崙蛋糕亦係餐廳招牌蛋糕，做得好出色，層層脆薄脆皮夾著香滑超士，微甜不膩，中間夾著生果，好好味。
有4-5款 haagen dazs雪糕，朱古力同士蛋單梨係我首選，士多單梨多果肉，酸酸甜甜。朱古力多醉粒，味道濃郁。配即製pancake仲正，揀左香味十足的班蘭pancake，夾香蕉及鮮忌廉，皮夠薄料又足
生果有菠蘿、蜜瓜、西瓜、火龍果、士多啤梨....十分豐富多選擇，生果都多汁甜美。
張貼
