小火焰韓式咖啡廳 (樂富廣場A區) (已結業)

小火焰喺樂富商場嘅食肆係一間唔錯嘅選擇，食物味道非常好之餘價錢亦都公道～食物種類又多選擇，而且比起一般大型連鎖餐廳有特色，今次小編就試咗以下幾款食物：1️⃣韓式炸雞⭐️⭐️⭐️⭐️ 炸雞炸得外脆內軟，炸粉唔會太厚，恰到好處，裏面嘅肉質亦都唔會過咗火候影響口感，仍然可以鎖住雞肉嘅鮮味同埋肉汁，同時咬落亦都係好彈牙～點一點餐廳提供嘅秘製醬汁，簡直係錦上添花！2️⃣魷魚水冷麵⭐️⭐️⭐️⭐️水冷麵我覺得比起韓式炸雞更加好味！一來係有特色，唔係好多地方有得食或者整得好～二來係佢魷魚選材優秀，非常有咬口，魷魚嘅鮮味遍布味蕾每一粒細胞，令人齒頰留香～3️⃣韓式烤餅及咖啡⭐️⭐️⭐️烤餅都烤得好脆，上面送住啲肉食味道好夾，整體醬料嘅調味都好到位，好味😋食到有啲口渴飲杯靚凍啡，亦都沖得好香滑～整體而言，每一個餸菜都整得有水準，環境同埋服務都係中上，推介大家試吓😁