八幡屋涮涮鍋

營業中

休息中

之前一直聽過八幡屋好出名，今日同朋友聚餐就決定黎試一試，果然不出所料地嘢食超豐富又高質😂今次我地叫既係240分鐘既生蠔刺身套餐😋❗️刺身：超鮮甜選擇多多，我地就叫左三文魚、希靈魚同赤蝦等等，完全冇腥味係意想不到既😱刺身亦都好厚，大大舊🤤❗️生蠔：超級肥美！必食！叫得呢個套餐當然想食佢既生蠔😂非常大隻 肉質飽滿口感唔會軟軟爛爛，超級新鮮🤩❗️海鮮：必叫鮑魚特別推介鮑魚、帶子同蜆！海鮮好大隻，同樣冇腥味，就算今次叫比較淡味既冬瓜薏米湯都好夾😋鮑魚口感紮實但係唔難咬，出乎意料地高質😉❗️火鍋配料：選擇多多有好多丸類😍值得一提係竟然有豬紅😍順帶一提配料區好乾淨，攞嘢食既時候特別安心😌❗️炸物&天婦羅：薄皮厚料炸粉唔厚，炸得啱啱好唔會過熟，特別推介係炸饅頭，表皮金黃酥脆！❗️肉：有好多和牛！呢個餐可以食盡A4日本黑毛和牛仲有澳洲和牛😱仲有好多其他肉可以任食🤭超鮮美嫩滑，肉味香濃但唔會騷，超正🥰