第三站

成日喺旺角食日本野同打邊爐，今日忽然諗起青春時期好鍾意去樓上cafe，於是上OpenRice搵到呢間好多好評嘅餐廳。主菜選擇以pasta/risotto 為主，呢個價錢跟埋野飲，都算幾抵。由於唔算太肚餓嘅關係，剩係嗌左一個餐同兩個小食。前菜有田園沙律🥗呢杯命叫「小天使」嘅飲品，味道清新又好香，飲落味道亦唔淡，唔想飲凍飲可以試吓呢款👍🏻之前見過有食評話啲薯條淋，但入到餐廳聞到浸薯條味，就好想食，於是博一博，叫左特濃芝士薯條嚟試吓🤤應該係即叫即炸，所以熱辣辣又脆口喎👍🏻👍🏻👍🏻份量亦都唔少🤤至於蜜糖芥末單骨雞翼嘅等待時間較耐，但味道絕對係最出色👍🏻外皮脆內juicy，本身已經好夠味，再沾上蜜糖芥未醬嚟食，更加好食，好推薦大家試吓🤤然後就係蟹肉忌廉雜菌闊條麵，蟹肉嘅份量都幾多，麵條唔會太淋，忌廉味亦唔會太重，份量剛剛好👍🏻我好唔鍾意有啲餐廳嘅士多啤梨奶昔整得好水，呢間就整得較杰身，飲落去仲有細細粒嘅碎冰，唔錯！食完主菜食甜品，芝士蛋糕冇雪得好硬，比想像中軟身。餐聽有ViuTV 睇，幾好❤️