影片
更多
2023-08-18
17 瀏覽
紅磡德民街嘅巷仔轉入去有間食川味串燒嘅小店，鋪頭座位唔多，但好多人都係外賣所以都唔洗等位，小店職員招呼都好親切，主動介紹有咩好食。我哋嗌咗燒頂級厚切牛舌、鹽燒白鱔魚、燒韭菜、燒翠玉瓜、燒有機菠蘿、蒜蓉燒原條茄子同清酒煮蜆，全部都落咗少辣嘅孜然粉調味。厚切牛舌有三塊，食落好厚身有咬口，肉質唔韌。鹽燒白鱔都係有三塊，燒到魚皮香脆，魚肉嫩滑，無魚骨，一啖放落口好安心，一串真係唔夠喉。燒韭菜同翠玉瓜屬於正常發揮，全部都冇燒燶。燒菠蘿又甜又多汁，中和番其他串燒上面孜然粉嘅辣味。燒原條茄子上面有滿滿嘅蒜蓉、蔥同孜然粉，十分惹味，係串燒店必食之選。清酒煮蜆嘅蜆肉略嫌較細，同埋冇乜鮮甜味，下次唔會再嗌。整體黎講，呢間川味串燒店係宵夜時段唔錯嘅選擇。📍紅磡德民街29號德民大廈地下J1號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊整體CP值：🍊🍊🍊🍊
我哋嗌咗燒頂級厚切牛舌、鹽燒白鱔魚、燒韭菜、燒翠玉瓜、燒有機菠蘿、蒜蓉燒原條茄子同清酒煮蜆，全部都落咗少辣嘅孜然粉調味。厚切牛舌有三塊，食落好厚身有咬口，肉質唔韌。鹽燒白鱔都係有三塊，燒到魚皮香脆，魚肉嫩滑，無魚骨，一啖放落口好安心，一串真係唔夠喉。燒韭菜同翠玉瓜屬於正常發揮，全部都冇燒燶。燒菠蘿又甜又多汁，中和番其他串燒上面孜然粉嘅辣味。燒原條茄子上面有滿滿嘅蒜蓉、蔥同孜然粉，十分惹味，係串燒店必食之選。清酒煮蜆嘅蜆肉略嫌較細，同埋冇乜鮮甜味，下次唔會再嗌。整體黎講，呢間川味串燒店係宵夜時段唔錯嘅選擇。
📍紅磡德民街29號德民大廈地下J1號舖
位置就腳：🍊🍊🍊🍊
餐廳環境：🍊🍊🍊
食物味道：🍊🍊🍊
整體CP值：🍊🍊🍊🍊
2 瀏覽
0 讚好
0 留言
0 瀏覽
0 讚好
0 留言
1 瀏覽
0 讚好
0 留言
5 瀏覽
0 讚好
0 留言
張貼
