影片
更多
2016-06-07
1770 瀏覽
Book咗7點, 我地6點半已到, 職員好唔客氣咁話要人齊先入得, 終於人齊喇, 殺入去!!!其實餐廳入面得1-2枱客, 都唔明, 早少少放我地入去會蝕咩... 環境都幾新淨光猛... 我地呢張係6人卡位, 4個人都坐得幾舒服...前菜有8碟之多, 碟碟都幾有水準... 麵豉薯仔又香又甜又粉, 最好食... 麻辣蒟蒻好特別, 第一次食, QQ彈牙, 麻香帶辣... 烤什錦牛肉包括牛肋骨肉、薄切西冷、牛舌... 牛肋骨肉質柔軟, 醃料微甜, 未有掩蓋牛肉的鮮, 肉汁多d會更好... 牛舌爽彈... 薄切西冷沒有牛肋骨的甜, 但牛味亦濃... 整體都算唔錯, 不過大家都係覺得韓松嘅牛肋骨好味d...冇被汁浸住的炒年糕微辣, 浸住的好辣, 年糕軟腍不彈牙, 但係口感都OK嘅... 好鍾意豆腐皮, 大大片, 幾有咬口...跟住到辣海鮮鍋。我唔受得辣, 所以要求辣醬另上! 未落辣醬前, 飲咗啖湯, 超鮮甜呀, 仲好重蟹味, 好正!!! 反而加咗辣醬之後, 剩係得個辣字, 失色好多...個鍋入面有好多材料, 除咗八爪魚, 仲有蝦、帶子、魷魚、魚、蟹、豆腐、金菇、蔥、黃芽白, 好豐富!!! 蟹肉好霉
其實餐廳入面得1-2枱客, 都唔明, 早少少放我地入去會蝕咩... 環境都幾新淨光猛... 我地呢張係6人卡位, 4個人都坐得幾舒服...
前菜有8碟之多, 碟碟都幾有水準... 麵豉薯仔又香又甜又粉, 最好食... 麻辣蒟蒻好特別, 第一次食, QQ彈牙, 麻香帶辣...
烤什錦牛肉包括牛肋骨肉、薄切西冷、牛舌... 牛肋骨肉質柔軟, 醃料微甜, 未有掩蓋牛肉的鮮, 肉汁多d會更好... 牛舌爽彈... 薄切西冷沒有牛肋骨的甜, 但牛味亦濃... 整體都算唔錯, 不過大家都係覺得韓松嘅牛肋骨好味d...
冇被汁浸住的炒年糕微辣, 浸住的好辣, 年糕軟腍不彈牙, 但係口感都OK嘅... 好鍾意豆腐皮, 大大片, 幾有咬口...
跟住到辣海鮮鍋。我唔受得辣, 所以要求辣醬另上! 未落辣醬前, 飲咗啖湯, 超鮮甜呀, 仲好重蟹味, 好正!!! 反而加咗辣醬之後, 剩係得個辣字, 失色好多...
個鍋入面有好多材料, 除咗八爪魚, 仲有蝦、帶子、魷魚、魚、蟹、豆腐、金菇、蔥、黃芽白, 好豐富!!! 蟹肉好霉, 蟹身黑忟忟... 豆腐唔滑... 帶子縮水後好細粒... 魷魚鮮味彈牙...
後面張枱全程超嘈, 嘈到卡位塊木板都震埋, 全場至嘈, 我地好大聲咁講o野都聽唔到, 喉嚨都痛埋, 根本傾唔到計!!!
4個人埋單唔使千二蚊, 比想像中抵食, 味道中上, 服務係入席前差d, 之後都幾OK, 座位都相當舒適, 係嘈d囉... 韓國菜o黎講, 都係一個唔錯嘅選擇...
張貼
