蜜滋麻美

營業中

休息中

去完PMQ，想買杯嘢飲，行幾步就見到佢即刻諗起，嗰陣時去台灣都專登搵佢嚟飲。呢一兩年都冇得去旅行，所以決定買杯回憶一下。佢飲品嘅選擇好多，雖然黑糖珍珠奶茶似乎係佢嘅招牌，但實在太多地方有得飲，所以就決定試啲新嘢。綜合嫩仙草烤奶，好有驚喜，因為仲有粉圓、蜜紅豆、花生、燕麥，口感好豐富。我叫咗少甜，剛剛好。既然叫咗杯甜嘢，另一杯梗係清淡啲，試咗香檳茶王芝士奶蓋。呢隻茶比較清淡，但佢嘅奶蓋好香好滑。等緊嘢飲期間，見到旁邊有張飲用秘訣，下次都試吓佢嘅黑糖珍珠奶茶先！