美心皇宮 (屯門大會堂)

營業中

休息中

唔知係疫情下少咗飲茶，定係佢不嬲都係咁，有推車點心，不過我都係點優惠孖寶最實際。一飯一點心5x蚊起，都夠飽，至於抵唔抵食就見仁見智。鳳爪排骨飯：凡係蒸飯，個底都必定會有層油，因為醃肉加油係中式做法，呢個當然唔例外，所以我食蒸飯從來都唔會攪鬆個底d飯嚟食，不過比稻香嘅蒸飯好好多，層油半厘米左右，都唔會太嘥。魚仔豬肉蒸飯：魚仔香，不過d肉片食落似豬頸肉，但應該係豬扒切片？食唔出係咩部位，不過油膩感少過排骨飯。柚皮鳳爪：柚皮有3件，微苦，有d乾水，可能浸透得唔夠。雞腳同出面茶樓食嘅差唔多。錦鹵雲吞：呢個真係好耐冇食，雖然炸得夠脆，但仲好多油係雲吞上面，過吓口癮算。