但馬屋 (創紀之城五期(apm))

營業中

休息中

晚飯時間要响apm搵好嘢食都幾麻煩，尤其係星期日，apm勁多人，排隊排到癲，不過今日都算好，但馬屋排咗半個鐘就有位呢度有五種湯底，我地揀咗意式蕃茄同麻辣，味道不過不失，唔算好特別，因為驚喜在後頭由於有人唔食牛，所以我地肉類方面揀咗主打豬肉為主重點推介今次嘅主角—北海道夢之大地豚！真係好好味，肉質柔軟得嚟又有少少彈牙，片片嘅油脂分佈適中，所以唔會好膩，好味到停唔到至於其他食材就夾咗冰菜、萵筍、芝士魚餅、秋葵等等...都算有好多種類選擇最後發現呢度仲有最新口味嘅Häagen-Dazs：茉莉花同橙花，當然要嘗一嘗鮮啦由於呢度地方唔大，有少少焗，但係整體嚟講唔錯，下次一定會再嚟！