台灣麵 (已結業)

台灣面之前都食過，今日食完覺得比上次進步左，同個fd子行完魚街去食，唔洗等位。我地叫左魯肉飯，牛肉麵，雞絲粉皮同花枝丸。滷肉飯一上枱以為好細碗，但食落原來都幾多，魯肉有肥有瘦，ok。牛肉麵啲牛肉唔錯，有少少筋肉，另外個麵都好好食，類似扁意粉，比較硬身嘅扁意粉。到雞絲粉皮啦，麻醬控一定會鍾意，因為佢哋真係唔吝嗇落咗好多麻醬，好似泛濫咁樣。最後個花枝丸係好味，皮都算幾薄，有少少似炸魚旦個friend。嘢飲嗌咗香芋奶茶加珍珠，我個friend就叫咗水果茶，佢嗰個水果茶好靚仔，佢話幾好飲，我就冇試啦，淨係知道杯野幾靚。我個香芋奶茶叫左少甜就岩岩好。總結：價錢適中，坐得幾舒服，我覺得可以再食。