稻埕飯店 (K11購物藝術館) (已結業)

今日星期六去左尖沙咀，行到下午有啲肚餓盲去左K11搵野食。去到稻埕門口見到下午茶menu熟食同都幾吸引，所以即刻入去試試。  稻埕下午茶係由2:30pm開始供應至5:30pm，當中有飯，有麵，有小食，有甜品。雖然選擇唔多，但都樣樣都有啲。價錢由$42至$88包一杯飲品。 睇完menu，就叫左一個甜品試下。 黑糖珍珠舒芙蕾班戟配抹茶冰淇淋 ($58) 舒芙蕾班戟賣相好好，打卡一流。另外舒芙蕾班戟造得好出色，好軟綿同香滑，加埋黑珍珠，甜度岩岩好。抹茶雪糕雖然唔係名牌子雪糕，但配上熱辣辣嘅班戟，一冷一熱，冰火交融，口感真係筆墨難以形容。 係K11食到一個咁高質下午茶，真係難得。