雄記牛腩王

營業中

休息中

細個時覺得香港嘅粉麵無咩特別，但人大咗，覺得香港嘅粉麵真係好有特色，特別係牛腩麵絕對係我至愛。 今日上完堂例牌又去食個牛腩麵，搵咗間位於旺角嘅雄記牛腩王🐮，就連發哥都幫襯，難怪咁多人啦。 今次點咗個崩沙腩，佢比一般牛腩更加爽軟，充滿油脂香。湯底濃淡得宜，帶陣陣牛香味，幼麵爽口。 另外加$10有2粒雲吞：雲吞都幾大粒，雲吞皮夠薄，餡料豐富，啲蝦🦐又好大隻。 淨4寶丸：墨魚丸雪白彈牙，都幾爽口，咬落粒粒墨魚肉，非常有口感；仲有豬肉丸，白魚蛋同黃金片頭，粒粒彈牙。配上青葱，份外清香。