曼谷車站

營業中

休息中

平時收工多數會去德福或者淘大食飯，上網搵搵，發現淘大附近有個得寶商場，除左有唔同小店鋪之外，仲有唔少餐廳，一於試下食泰菜的曼谷車站。餐廳裝修模仿著古老火車站，牆上掛有多個世界時鐘，綠色卡位就好似平常等候火車的公共空間，整個室内設計充滿小心思。菜式方面點了泰式青咖喱雞、炒金邊粉、馬拉盞炒通菜及椰汁芒果糯米飯，樣樣賣相精緻。泰式青咖喱雞不會太辣，微辛嗆的氣味和椰香令雞肉變得更嫩滑，香濃惹味。炒金邊粉麵條乾身又帶點濕潤，口感煙韌，酸甜醬汁胃口大增。之前嘗試買泰式藍象調味料試整炒金邊粉，不過我煮得太淋，太濕潤，加埋醬料好似變左一pat野咁，證明呢道菜看似簡單，實質好有技巧。最後以椰汁芒果糯米飯作結尾，在煙韌的糯米飯上淋上微暖的椰漿，啖啖椰香配上清甜芒果，食得好滿足。實在意想不到得寶有如此不錯的泰國菜，睇怕以後要再多多光顧，嘗試更多菜式。