豊勝手丼 (已搬遷) 新店位置

放學約左同朋友食飯，咁耐冇見佢又話出黎做野請我食飯🤤就去左食魚生飯，依間都係我bookmark既其中一間日本野，想食佢既蟹丼好耐下😎見到個menu都流哂口水，目標係丼飯既我決定同朋友分享兩個丼🍚首先係依個迷人既松葉蟹丼，勁多蟹肉同味噌蟹膏，中間係滿滿既蟹籽，蟹膏勁鮮味，蟹肉又甜，拌飯一流，食唔停口🤤🤤五色丼都同樣吸引，有三文魚、油甘魚、赤蝦、帶子同海膽，同朋友啱啱好每人一件。三文魚肥美、油甘魚爽口有油脂（我係白身魚愛好者）、帶子鮮甜、海膽新鮮冇腥味、蝦肉又結實，食到我變心心眼😻加廿蚊隨餐附送湯、前菜同沙律，十分抵食，份量啱啱好😆