華嫂冰室 (皇廷廣場)

營業中

休息中

自從華嫂冰室開左喺官塘，近近地間唔中都可以食吓菠蘿包，真係增加不少口福。星期六想食，撞啱為食老婆要返半日工。我就好乖咁早d拎定飛，叫到就同店員講聲後補返。等左一個鐘齊人入得啦。先叫必食既招牌菠蘿包，可能今次牛油薄左d,未影得切相已經開始溶啦。不過菠蘿包依舊鬆軟，一啖咬落去層次豐富，蛋香蕃茄鮮。麵食方面，今次我地2個都試皮蛋芫荽湯，店員話我地識食，呢個湯真係正咁話。配料揀左肉眼筋，魚肉，豬潤。肉眼筋肉質有彈性，有咬口，有少少似豬頸肉既感覺。魚肉球，鮮味既鯪魚肉。豬潤剛好唔過火，滑嫩的。配埋呢個湯底簡直係 perfect match。仲有必叫既茶走，即係奶茶加煉奶，突出茶香同埋香滑d㗎。