元気寿司 (禾輋廣場)

營業中

休息中

星期六同女朋友去沙田新城市影聖誕裝飾，見到新城市入面間間餐廳都排晒隊，所以就決定行遠少少去到禾輩搵食，見到元氣突然間想食迴轉壽司，就一於黎迴轉下。當時大約八點左右，雖然無新城市咁瘋狂，但都要等左大約十分鐘先可以入座。坐低後梗係第一時間睇下迴轉帶上有咩食啦，但如上圖所見，迴轉帶上空空如也，而所剩嘅數碟壽司已經唔知擺咗幾耐，上面嘅魚生乾到唔敢食。諗住等多幾個圈會有新壽司出，但等極都唔見有新嘢出，而師傅已經主要整客人直接order嘅嘢，當我問店員迴轉帶係咪唔會再有新壽司時，佢話因為已經八點幾，而餐廳會九點九就截單，為免浪費，所以客人直接order會方便d及新鮮d，我明白避免浪費係好事，但當時其實仲有人等緊位，而亦不停有客人入座，係咪需要咁早就唔出迴轉壽司呢？迴轉壽司其中一個賣點就係係迴轉帶上見到有興趣就拎，而唔係直接order，如果係咁的話，我無必要來迴轉壽司啦。非常失望的一餐晚餐，食完唔飽但已經無心情再order了。