影片
更多
2021-10-03
443 瀏覽
連放三日假，就同屋企人食左好嘅！上網book左呢間餐廳，要full pay $600幾，咁先有9折。先講頭盤個叉燒，我覺得最有特色！因為佢有舊蜂蜜係原粒切左出黎，有凹凹凸凸個feel，侍應建議連埋啲蜂蜜一齊食，食落去好香好有天然蜂蜜味，而啲叉燒亦都好稔，真係第一次可以食到咁有特色嘅蜂蜜味叉燒！，而個鴨肉果凍就普普通通啦。輪到個湯，好清新嘅椰子味！飲落去真係無味精！而且一揭起個蓋，一陣陣嘅椰子🥥湯味散發出黎！仲有原粒瑤柱！螺肉就中上水平啦～每位嘅size就比較細～焗大虎蝦，舊肉都幾新鮮幾彈牙，蝦頭食落去亦好有蝦膏嘅鮮甜味～呢個就中上水平啦，無話好驚艷，亦唔失望嘅。至於個和牛粒，稍為韌左少少，好有牛味，但唔算好稔，食唔出有安格斯個種質素，呢個失左少少水準～碟珍菌亦都普普通通啦，稍為有啲蔬菜類可以fresh下個口腔，味道偏淡，中意食藥嘅朋友岩晒啦～炒飯+麵方面，個炒飯落得太多汁，唔夠乾身，又或者佢用左鮑汁黎炒，所以本身就係濕濕地嘅，而隻鮑魚係最好食嘅！好新鮮，亦好彈牙，最like呢個！個麵反而麻麻地，可能個人唔太中意食紫蘇味嘅野，所以普普通通咁，而個星斑都好食嘅～炸粉唔會落左好多，好有魚味～
先講頭盤個叉燒，我覺得最有特色！因為佢有舊蜂蜜係原粒切左出黎，有凹凹凸凸個feel，侍應建議連埋啲蜂蜜一齊食，食落去好香好有天然蜂蜜味，而啲叉燒亦都好稔，真係第一次可以食到咁有特色嘅蜂蜜味叉燒！，而個鴨肉果凍就普普通通啦。
輪到個湯，好清新嘅椰子味！飲落去真係無味精！而且一揭起個蓋，一陣陣嘅椰子🥥湯味散發出黎！仲有原粒瑤柱！螺肉就中上水平啦～每位嘅size就比較細～
焗大虎蝦，舊肉都幾新鮮幾彈牙，蝦頭食落去亦好有蝦膏嘅鮮甜味～呢個就中上水平啦，無話好驚艷，亦唔失望嘅。
至於個和牛粒，稍為韌左少少，好有牛味，但唔算好稔，食唔出有安格斯個種質素，呢個失左少少水準～
碟珍菌亦都普普通通啦，稍為有啲蔬菜類可以fresh下個口腔，味道偏淡，中意食藥嘅朋友岩晒啦～
炒飯+麵方面，個炒飯落得太多汁，唔夠乾身，又或者佢用左鮑汁黎炒，所以本身就係濕濕地嘅，而隻鮑魚係最好食嘅！好新鮮，亦好彈牙，最like呢個！個麵反而麻麻地，可能個人唔太中意食紫蘇味嘅野，所以普普通通咁，而個星斑都好食嘅～炸粉唔會落左好多，好有魚味～
個甜品係椰汁糕，甜度方面就稍為偏淡，岩晒唔中意食甜野嘅朋友，但亦都無話好出色，都係中水平啦。
總括嚟講，野食就中上水平啦，未至於話好出色，有個別菜式係煮得幾好幾特別，但如果俾600幾入去食，我就覺得唔太值，反正出返市區啲中餐廳，俾300-400一個人隨時抵食，而且呢到嘅份量都偏少，好肚餓嘅朋友入黎食就未必夠飽啦～
張貼
