嫲嫲辣辣 (福榮街) (已結業)

朋友之前喺尖沙咀嘅分店食過覺得好好味，然後今日就約左朋友一齊去試，不過就嚟咗深水埗嘅分店。 一入鋪頭已經聞到好大陣麻辣香料味，食慾大增坐低後就嗌左大約五個餸，揀左用孜然調味 冇記錯嘅話我哋嗌咗薯粉，排骨，墨魚丸，西蘭花，好多辣椒同埋芝麻粒，加上孜然香撲鼻十分香濃。最好味最推薦既會係排骨，肉質有彈性，略經炸過所以更香口惹味。不過成碗野太多辣椒，比左個錯覺人，好似好多咁，但實際上餸既量好少，每人兩舊就完左完全無飽肚既感覺，仲要好貴，有種被騙既感覺，性價比好低，不會有下次