香港必食

營業中

休息中

由細到大都好鐘意食街邊小食，但大大下發現越來越難揾到好食，旺角雖然有好多，但我覺得都係迫遊客買一大碗$20碗多，想買一串阿姐都唔啋你。今日行過尖東，見到呢度仲肯賣$10/7粒的魚蛋，佢特別強調自己特別調製的魚蛋醬汁，要三年研發，引起我的好奇心即想試下，$10/7粒用個碗裝住，魚蛋正常size，唔係好大粒，醬汁好似咖喱汁咁黃黃地，食一粒落口，首先係試到甜甜地的辣味，跟住再哨先會食到麻辣的味道，舌頭跟住一陣麻辣，口裏面先慢散開，食到停唔到口，覺得個汁都唔錯，叫做有心之作。唔係求其咖喱汁，我會再返來食。