開餐達人

營業中

休息中

呢間餐廳食過一次午餐，因為上去位置比較偏(入口開始20幾步樓梯，再左轉，望向右邊便是)，而且起初感覺只係普通茶餐廳，成條開源道已經有好多呢類型嘅，感覺唔需要再特別上樓食。但有個同事上星期竟然推薦呢間嘅早餐比我，仲影左張餐牌，竟然有驚喜喎。首然睇個餐牌菜式個名已經有心思，印張外賣紙都靚d，花足心思。我呢d唔到最後一分鐘都唔番到公司嘅人，當然早餐係要食外賣喇，哈哈。今天選了當牛角包遇見沙律--黑松露炒蛋，牛角包，胡麻什菜沙律。起初驚份量細唔夠飽，但係食落十分大件，最重要係個炒蛋份量十足，攞起個牛角包咬，係一啖放唔唒落口，幾好，幾好！淡淡黑松露味道再配個香脆牛角包，正！同事就搭單選左個面，可以選3樣送，選了蛋，午餐肉和漢堡扒。樣樣都幾大件下，塊漢堡扒都係一整件嘅。加左4蚊選左個出前一丁，味道不錯。最緊要係成個餐只需26蚊，勝價比高。最後一提嘅係餐配飲品，除了一般嘅選擇，熱檸檳都可以選，而且又唔使加錢，唔使嚟去都係熱0茶。(不足之處係檸檬略為有小小潺，可以嚐試一下小檸檬)改革左之後，餐廳感覺不錯的，還有午市同晚試，揾日去試下，睇下有無驚喜先。