影片
更多
2016-06-01
2614 瀏覽
去開荃灣，夜晚搵飯食。朋友介紹0係海壩街嘅韓正屋，價錢親民。鋪面好大個招牌，一啲都唔難搵。入到去，雖然店面比較細，但都算企理，侍應都好好禮貌，好有笑容咁招呼我哋。唯一就係座位之間迫左少少。望一望周圍既餐牌，二人餐同四人餐都幾豐富，平均一百蚊一位，果然親民！但我地揀唔到最想食既組合，都係散叫啦。我地兩個人總共叫左四樣主食同兩個前菜（提一提，散叫餐牌食物係唔跟泡菜同前菜的）。《鐵板燒牛肉》即製上碟好熱，未食已經聞到好香。碟頭好大，好多牛肉，洋蔥同香料配搭得好好，好夠味。個汁甜味比較重，岩哂我口味。肉質方面，有少少overcook但都唔太影響整體質素既。《泡菜煎餅》薄薄一塊煎餅，煎得好香脆，做小食岩岩好。一塊煎餅入面有好多泡菜，唔係一大舊粉團，控制得好好。味道是出乎我意料的，以為泡菜煎餅會係極重口味，原來係淡淡的，有少少泡菜香。《炒水晶粉絲》呢個簡直出乎意料的抵食。一般韓國餐廳炒粉絲索價七八十，呢度只係三十幾蚊。份量都唔少，味道就不過不失啦，比起坊間韓食較淡，但都係彈牙煙韌的。《人參雞湯》呢個係我地最想食，亦都係最後上既一道菜。個湯好熱好香好好味，味道好豐富，人參、藥材、糯米同雞味都好足。雞
去開荃灣，夜晚搵飯食。朋友介紹0係海壩街嘅韓正屋，價錢親民。
鋪面好大個招牌，一啲都唔難搵。入到去，雖然店面比較細，但都算企理，侍應都好好禮貌，好有笑容咁招呼我哋。唯一就係座位之間迫左少少。
望一望周圍既餐牌，二人餐同四人餐都幾豐富，平均一百蚊一位，果然親民！但我地揀唔到最想食既組合，都係散叫啦。我地兩個人總共叫左四樣主食同兩個前菜（提一提，散叫餐牌食物係唔跟泡菜同前菜的）。
《鐵板燒牛肉》
即製上碟好熱，未食已經聞到好香。碟頭好大，好多牛肉，洋蔥同香料配搭得好好，好夠味。個汁甜味比較重，岩哂我口味。肉質方面，有少少overcook但都唔太影響整體質素既。
《泡菜煎餅》
薄薄一塊煎餅，煎得好香脆，做小食岩岩好。一塊煎餅入面有好多泡菜，唔係一大舊粉團，控制得好好。味道是出乎我意料的，以為泡菜煎餅會係極重口味，原來係淡淡的，有少少泡菜香。
《炒水晶粉絲》
呢個簡直出乎意料的抵食。一般韓國餐廳炒粉絲索價七八十，呢度只係三十幾蚊。份量都唔少，味道就不過不失啦，比起坊間韓食較淡，但都係彈牙煙韌的。
《人參雞湯》
呢個係我地最想食，亦都係最後上既一道菜。個湯好熱好香好好味，味道好豐富，人參、藥材、糯米同雞味都好足。雞有足足一隻，無偷工減料。
至於兩道前菜，因為要收費，所以好大碟。菠菜好爽，泡菜好香偏辣。
朋友仲叫左個朱古力沙冰，做個靚靚既句號。
成間餐廳，整體黎講，食物唔算好味到好驚喜，但合格有餘。味道唔算十足韓式，無一貫既韓食重口味，但都不失為淺賞韓式美食既地方。
埋單，兩位食到食唔落，都係兩百幾蚊。韓國菜黎講，絕對算係價比性高。
張貼
