車站豆腐花

營業中

休息中

車站豆腐花 一入到鋪坐下，感覺好似去左朋友屋企，牆上每個角落都貼滿兒女生活照、小朋友木顏色畫，甚至旅行的紀念品都放晒出黎…店舖以家庭式經營，價錢都係走親民路線。我地清一色叫了凍豆腐花，一碗碗外表完好平滑、雪白的豆腐花好快就上枱，全部都無預先加糖水，糖水自己加，鍾意幾甜自己決定！店內有薑汁糖水及黃糖碎供客人選擇，對於本身喜愛薑味的朋友都覺得薑汁糖水的薑味不太濃。有豆香，這間豆腐花又真係幾滑，凍食更有透心涼的感覺！消暑佳品！但因為凍食的關係，黃糖唔溶，食落會有一粒粒野！ 有些朋友總喜歡搞碎豆腐花才食，我就覺得好核突！TIPS：食凍豆腐花唔好落咁多黃糖碎。下次有機會會試下熱豆腐花。