一喜車仔麵

營業中

休息中

重慶大廈地庫有間新開嘅Food Court，提供多款料理嘅食物，主食、小食、飲品店等，今次試咗間車仔麵檔，主店喺土瓜灣，門口有個車仔麵檔嘅打卡位，裡面座位唔多，裝潢簡約，價錢十分親民化，經過可以到訪一試！車仔麵同飯有套餐亦可以自選，冬菇同生菜煮至入味、蘿蔔無渣、鳳爪同豬扒都唔錯、湯底有清湯、牛腩、沙嗲、咖喱、仲可以加麻辣汁同黃金雞湯，熱呼呼，唔油膩，讚👍 值得一提嘅係個龍蝦麵，半隻上，賣相吸睛，新鮮彈牙，不過主廚話有心情先會整，唯有睇吓大家好唔好彩啦🙈小食款式眾多，老細推介紫菜4寶淨餸，有齊小米粿、馬鮫豬肉丸、魷魚丸同紫菜，個人最鍾意小米粿，豬肉餡，咬落煙煙韌韌，好好食😋 咖喱/沙嗲牛腩都好正，煮至軟淋，一咬就散，竟然仲有薯仔，第一次見！雞中翼有驚喜，四大隻，瑞士汁超級入味，肉質嫩滑又多汁、單骨雞翼炸至外脆內嫩，香辣可口，值得一試～ 炸韭菜餃比出面大隻，炸粉唔算好厚而且餡料飽滿，點埋醬汁就啱啱好！餐廳內有個超大型嘅宣傳單張，話咖喱魚蛋做緊蝕本生意，聲稱彈牙到飛起，果然無講錯，魚肉味突出，真材實料，咬落彈牙，採用自家製咖喱汁，令人一試難忘、另外有椒鹽魚片頭，份量十足，外脆內Q，適合多人s