許祥昌食店

營業中

休息中

過呢間食過好多次,今次第一次俾食評。近日天氣好酷熱,去幫襯時一定要坐入面,但冷氣十分之唔夠。我一向好鍾意食車仔麵,尤其係油麵麵底,但呢間油麵係劣級貨色,比一般粉麵店油麵幼及硬身,覺得十分之唔好食,及無厘口感及味道。車仔方面,我最鍾意食豬腸,我覺得好【梅】又切得細舊,唔好味又係冇口感,完全唔掂。另一喜愛蘿蔔太,唔新鮮又唔甜...渣!咖哩汁唔似咖哩汁,只似落好多糖味精茨汁,湯底就更加唔駛講,都唔知點形容,唔掂囉又係!都唔明點解咁多人幫襯,我只稍為覺得涼粉冷叫可以,其他飲品以麵檔講都算ok!但真係冇一種衝動,令我會成日想去食。但元朗其他麵店我就會成日去食,例如『好到底、勝利、彪記、永年、榮興、許記及嘉麗園等~』,呢間麵店感覺服務混亂,好多阿姐不停講,加埋客傾偈,有少少街市feel 囉!