翠林餐廳

營業中

休息中

Auditor到來，又要趕起份cash flow forecast俾人，星期六、日就繼續為公司的核數之事而戰鬥下去。星期六，10點多就把車子開了出銅鑼灣。知道班黎audit的人不會太早黎，我就決定開車去找個地方，買外賣又好，坐低食亦好，最好都係要一間可以泊車係門口的茶餐廳。近日有讀者兼食友投訴，建議我不要餐餐中餐都是公仔麵。實際上，我每天的早餐都是公司附近麵包店的包，係有時為了試一間未去過的茶餐廳，而且又撞正是早餐或下午茶時段到達，這些時段，最好食的食品，公仔麵的確是離不開的。辛苦地找，終在隱蔽的信德街找來了一間門口可以停得到車的茶餐廳，不過依然是雙黃線，而且我覺得還是早點回公司較好，落車點了一個外賣，之後就坐定定係架車度，等。食什麼，不就是驅邪驅鬼的公仔麵囉。而且同樣是驅邪驅鬼的雞扒公仔麵。外賣麵有一個不好處，浸淫的時間耐了，公仔麵好快就發脹，脹得好難食。而這麵的湯底就是光身麵的湯，食得多呢一隻超力出哈既麵，總覺得佢臘質比較多。雞扒，是斬了件的雞肉扒，普通的味道，不覺得佢煎得靚或是有什麼突出之處。奶茶唔夠香滑...........始終，外賣麵...一定大打折扣。