一起蕃

營業中

休息中

🥢星期六晏晝男友收工之後過咗嚟荃灣搵我一齊食午餐，我哋去咗路德圍搵嘢食，見呢間餐廳唔多人我哋就入咗去坐低。🥢男友叫咗個紅燒牛筋飯，飯嘅份量唔算好多，男士嚟講未必夠飽，但牛筋醃製得好入味，有少少辣辣地，煙煙韌韌得來又腍。🥢我就叫咗個蕃茄湯底自選米線🍅，揀咗蘿蔔同豬肚兩款餸。個蕃茄湯底係幾有驚喜，唔係水溝罐頭湯嗰啲，食得出真係用蕃茄熬製而成嘅，因為食落真係有啲蕃茄蓉，味道係唔同罐頭湯嗰啲。蘿蔔切到好大件，炆得好腍，嗍晒蕃茄湯嘅味，唔錯👍🏼🥢整體嚟講都算OK，可以一試。