仁芝初

營業中

休息中

想食糖水唔一定要去連鎖嘅糖水舖，喺旺角食完飯之後，可以去支持呢一間良心小店，價錢唔貴之餘而且糖水新鮮足料~🍠 紫薯芋茸蓮子西米露 $33西米露叫咗凍嘅，另加$10仲可以有八粒芋圓，糖水份量都幾大碗，而且口感非常豐富，紫薯融喺西米露糖水入面，令糖水口感更加黏稠，芋圓口感唔算特別軟糯，但勝在夠煙靭，食落好滿足。🥣 生磨香滑芝麻糊 $30芝麻糊同樣叫咗凍嘅，不得不讚芝麻糊食落軟滑、充滿芝麻香，軟滑得嚟仲有滿滿芝麻碎嘅顆粒感，再加$10有三粒軟糯嘅湯圓，口感飽滿有層次。