味滿

營業中

休息中

近排喺工展會開工，呢間粥舖成為我嘅飯堂，簡直食過返尋味，連續幾日食咗唔同款式嘅嘢，雖然樣樣都好食，但個人認為有幾樣係特別出色，例如係佢嘅粥/蜆蚧鯪魚球/豬什/蒸腸粉！生滾豬潤粥 粥底非常綿密細滑 配料即叫即滾 一碗粥入面起碼有六/七/八塊豬潤 食極都食唔完 非常足料 豬膶片片又厚又大 食落好爽口豬雜撈麵 豬雜同樣出色 沒有豬騷味 而且每樣食材都帶有本身質感 生麵底配以香蔥薑絲一起吃特別香口 麵質爽口彈牙 蛋香味濃豬雜泡飯 由於好欣賞佢嘅豬雜和豬潤 所以我連續幾日都食咗同類款式 真係百吃不厭叉燒腸 即叫即蒸 皮薄而且通透 帶點黏口又彈牙 餡料豐富 豉油清香 味道唔會過於死實炸兩 油炸鬼乾身脆口 沒有油益味 腸粉皮滑溜彈牙 加上甜醬麻醬及豉油 是炸兩的靈魂所在鹹肉粽 粽子的飯與綠豆蓉非常綿口 重點係餡料非常豐富 最鍾意食入面個蛋黃蜆蚧鯪魚球即叫即炸熱辣辣 加咗陳皮芫茜味道非常多層次 外層炸到脆卜卜 內裏彈牙鮮味 配上咸鮮的蜆蚧汁 絕對是錦上添花麻辣牛筋腩 非常惹味 紅油香得很 牛筋牛腩炆到好淋 用筷子一夾就會斷開 食完個口有滿滿的膠原 黏黏的自家製薏米水 清得嚟帶有一點薑味 最適合現在又凍