桃園制作粥麵餐廳 (寶林商場)

營業中

休息中

今晚屋企無飯開，就落街去食飯。行入間餐廳，裝修比較復古，有點懷舊味道。我地叫左兩野樣食，因為朋友唔係好肚餓，所以佢叫係叫左個魚片頭米線。 潮洲粉面都無咩太大特別，唔知係咪太晏去，無哂河粉，叫左米線但米線偏硬，不過魚片頭數量係多既，都幾抵。 我就叫左個霸王雞煲，再加20蚊加個燉湯同埋飯。 今晚個燉湯係牛頭菇燉湯，個燉湯幾正，值得一讚，因為無味精又足料，我食埋佢D豬骨同湯渣。 個霸王雞煲分量都ok，味道唔錯，都幾惹味。