阿杏飯團 (富時中心) (裝修中)

台灣過江龍阿杏飯團以粉色系裝潢同足料台式飯團係香港插旗，今次開到黎旺角仲有個靚靚櫻花樹打卡位，好食得黎又IGable🥰舖頭以外賣自取為主，但亦有counter枱可以俾你即刻食！等食時仲可以望到open kitchen入面店員即席預備你嘅order😍🔸新宿燒汁牛扒飯團飯團用上口感煙韌嘅紫糯米，健康又有飽肚感。牛扒肉質軟腍份量都唔少，配上燒汁牛味更提升。配料有榨菜、肉鬆、生菜、油炸鬼等等，大大件咬落去各種口感味道竟然好夾，好味🤤🔸名古屋鰻魚飯團鰻魚唔算好多，但配上沙律醬味道好和諧！而且飯團入面其他配料會比牛扒飯團為多，口感豐富一啲都唔欺場🙆🏻‍♀️🔸紅豆奶茶、現萃桂花烏龍香滑奶茶配上紅豆甜味，桂花烏龍就比較清新，但台式飲品始終偏甜，建議嗌少甜就剛剛好喇