大吃大喝 (彌敦道)

營業中

休息中

今早與同事去咗油麻地做嘢，下午又要趕返公司，冇時間食飯，唯有買外賣返去食，咁啱經過一間叫大吃大喝外賣店，以手工製足料大份三文治作招徠。店內貼左三文治的圖片非常吸引，決定買嚟做午餐。三文治即叫即做，包裝設計精美又衛生，透明的部份見到三文治厚厚的饀料。松露安格斯牛肉漢堡治烘底，餡料豐富，有安格斯牛肉(4.5oz)、松露蛋黃醬、焦糖洋蔥、滑蛋、生菜、蕃茄，啖啖美味無窮！Double 濃厚松露蘑菇滑蛋治：厚厚的滑蛋中加入香噴噴的松露，再加上爽口的蘑菇，口感和味道都一流！香濃沙嗲牛肉滑蛋三文治：牛肉份量都好多，而且非常嫩滑，沙嗲汁夠香濃，配上滑蛋超惹味！凍樽仔滴漏咖啡夠香夠濃，和三文治一齊買還有優惠。