阿木台灣麵 (D2 Place TWO)

營業中

休息中

味道中規中矩﹐直接跳去服務方面。坦白講去到食飯嘅時間已經夜﹐為免阻到人都好快決定好食咩﹐睇張單落單時間係9:09pm﹐如果覺得收10點﹐我哋太遲入嚟幫襯﹐可以直接講唔做我哋生意﹐但你冇拒絕﹐又要做生意﹐係咪應該俾返對客嘅服務？中途已經埋單俾你埋數先﹐都好合作丫吓嘛？叫兩個飯加個小食﹐一個飯食到一半﹐另一個飯食淨1/3﹐當時都係9點半多啲﹐我哋都算食得快啦﹐走嚟問係咪食完要收碟？去到9點9直情熄冷氣！大佬我未食完喎？熄冷氣都係㩒個掣啫？唔會阻到你收工嘛？開到我走你先熄對你好大影響咩？你個場又唔係露天﹐一熄冷氣已經開始焗。你咁趕時間一開始就開聲叫我走嘛。