除左門面、餐廳嘅枱，牆身，紙杯，筷子套都有角落生物，超級可愛！
🦐特製白鹽蝦拉麵
每碗都有可愛嘅角落生物魚片，鹽味湯底鮮甜，味道清甜唔會太鹹！白鹽蝦新鮮口感爽彈, 拉麵偏粗身煙韌唔會太淋。
🍜特製黑醬油拉麵
醬油湯底不死鹹，叉燒肥瘦適中，豬軟骨肉質軟嫩，配料有溏心蛋、紫菜、竹筍、仲有印有炸豬扒嘅魚片。
🍠栗子紫薯餅
熱辣辣嘅紫薯餅外層非常酥脆，紫薯蓉口感軟綿，加上栗子粒。香口得黎又有多重口感。
🍨特製芭菲
賣相超可愛，仲有我最鐘意嘅炸蝦尾！草莓奶凍上有雲呢拿雪糕，奶凍香滑，仲有士多啤梨、藍莓、年輪蛋糕！
🍹特製白桃烏龍奶茶
頂層忌廉柔滑。白桃烏龍奶茶，奶味香濃。
🍹特製荔枝梳打
荔枝椰果加上清甜的梳打，兩杯飲品都可以揀少甜！少甜後都唔會淡。
而家買任何產品即送鎖匙扣一個，另外在店內點取特製拉麵時，Follow富山麺家社交平台，like and share就有角菇生物folder
