影片
更多
2018-05-31
119 瀏覽
週末打完波約埋朋友黎天后美食街搵食，發現哩間主打越南菜但裝修新潮似咖啡店既小店，即刻決定入去試下！我同朋友兩個人叫咗三樣野，番茄蟹肉湯米，鮮蝦紙米卷，同一份豬肉Banh-Mi。全部係越南餐菜單上最common既野食所以一定要試曬先知道到底個師父功力去到邊 首先梗係試咗個紙米卷先，D蝦好新鮮，份量適中，其實如果細食可能一個人食完兩條已經飽咗。Banh-Mi最緊要就係個包要熱同有少少脆，當然個餡都要好食。哩間既Banh-Mi係我試過咁多間越南Banh-Mi做得最出色，最用心既一間。一啖咬落去已經知道龍與鳳。淨係為咗食個Banh-Mi我都會再黎！食完兩道前菜其實已經飽飽地，不過個番茄蟹肉湯味道實在誘人，聞到已經流曬口水。食完第一啖會即刻想食第二啖停唔到口本人覺得個湯底絕對有俾心機熬，雖然好飽但係我同朋友都爭住飲埋最後嗰啖湯！黎到越南餐館點可以唔飲越南咖啡呢？！我叫咗傳統款熱既，朋友就點咗個ice coffee。 我嗰杯稍甜，可能煉奶放重手咗？朋友嗰杯佢就話非常正，下次我都要點黎試下。餐廳雖然細，不過老闆娘同staff都非常熱情，招呼周到，令我既週末早午餐食得很愉快，繼續支持小店！臨走前店內已
首先梗係試咗個紙米卷先，D蝦好新鮮，份量適中，其實如果細食可能一個人食完兩條已經飽咗。
Banh-Mi最緊要就係個包要熱同有少少脆，當然個餡都要好食。哩間既Banh-Mi係我試過咁多間越南Banh-Mi做得最出色，最用心既一間。一啖咬落去已經知道龍與鳳。淨係為咗食個Banh-Mi我都會再黎！
食完兩道前菜其實已經飽飽地，不過個番茄蟹肉湯味道實在誘人，聞到已經流曬口水。食完第一啖會即刻想食第二啖停唔到口本人覺得個湯底絕對有俾心機熬，雖然好飽但係我同朋友都爭住飲埋最後嗰啖湯！
黎到越南餐館點可以唔飲越南咖啡呢？！我叫咗傳統款熱既，朋友就點咗個ice coffee。 我嗰杯稍甜，可能煉奶放重手咗？朋友嗰杯佢就話非常正，下次我都要點黎試下。
餐廳雖然細，不過老闆娘同staff都非常熱情，招呼周到，令我既週末早午餐食得很愉快，繼續支持小店！
臨走前店內已經滿座，甚至有人喺門外等候。我地進食期間都不時見到有人黎買外賣，咖啡等。相信都係回頭客。如果唔想等位建議早D到或者買杯凍啡嘆住等
張貼