翠榮雞煲火鍋

營業中

休息中

居然越食越旺，越來越多 fans ﹗暫時係大埔唯一一間胡椒雞煲，晚晚都滿座，以前絕對未試過架 ﹗仲有好多人等位，真誇張 ﹗所以依家晏晝同晚巿都唔做米線、唔做台式飲品喇，淨做火鍋夠賺。唔知遲啲會唔會又轉呢？祝生意興隆 ﹗奇味雞半隻中辣，第二次食，雖然我勁愛食辣，不過係依度我鍾意食胡椒雞多啲。奇味雞有點似麻辣雞煲，只係無左花椒八角，放入大量香料、味菜同辣椒炒香，香氣撲鼻嗆喉 ﹗今次比起我第一次好食好多，雞件 size 剛好，肉質嫩滑，雞皮炒得香口，勁辣而不麻，好味道 ﹗唔會好似第一次斬到雞件一粒粒咁細，搞到又乾又鞋，依家有改進，可以添食 ﹗雞仔半隻太少喇，以後都要叫一隻先夠兩個人食啊。高湯奇味雞湯底，食晒奇味雞後，就可以落高湯打邊爐喇，辣湯底，正呀 ﹗當然已經淡左好多啦。手切本地牛肉，menu 上只係寫牛肉，但老闆話其實係牛頸脊黎架 ﹗我打邊爐去買牛肉的話，牛頸脊係首選，因為如果好采夠肥美的話，牛味超濃，質埋滑而有咬口，正到不得了架 ﹗翠榮既牛頸脊都唔差，再肥啲就更好。牛味香濃，肉汁豐富，口感嫩滑有趙口，我覺得稍為薄左啲，切厚少少的話，口感會更好。依家發覺兩個人叫碟細都唔多夠食，以後要叫大