越北牛肉粉專門店

營業中

休息中

粉嶺新開左間越北牛肉粉日後唔使行咁遠又可以多個新選擇裝修明亮整潔座位闊落舒適 疫情下 真係好注重座位間距😅晏晝2點已經係TEA SET雖然價錢略貴不過多種類可供選擇仲可以優惠價加配小食😍今次叫左個綜合牛肉湯金邊粉足料湯底香濃唔會太咸有生牛肉。牛腩片。牛肉丸牛肉份量足煮到恰恰好😋另外今次試左啲新嘢海防蕃茄蟹檬有半隻蟹。蝦丸。札肉濃厚蕃茄湯底 搞勻之後惹味可口帶有啲肉碎蟹肉鮮甜香口，蝦丸同札肉爽滑彈牙CP值認真高檬粉相對金邊粉較為幼細感覺好似食唔完咁😋例牌要加配小食一份細蝦餅同細鳳爪蝦餅份量唔惹小爽脆彈牙鳳爪酸辣開胃食唔停口不過要注意辣味會比較重跟埋餐飲 凍飲+$3不過特色餐飲 當然要加錢啦滴漏咖啡+$12香濃咖啡加鍊奶🥰整體來講都算物超所值而且服務態度良好卡位會有一小級見店員係會温馨提示用膳完畢既顧客小心梯級。